LAOAG CITY – Inbatad ni Mrs. Renelie Cabuntasan, ti kabsat n Marlon Cochapon nga awan ti ammo da a rason no apay a mapapatay ti kabsat na.
Kunana a ti laeng maibagbaga ti biktima kadakuada ket ti pannangan dagiti taraken a dingwen iti sabali a pamilya dagiti mula na a mais.
Segun kenni Cabuntasan, iti napalabas a lawas ket adda ti rumrumuar a kinariri daytoy ngem saan da nga ammo ti rason.
Dinakamat na a sakbay iti pannakadiskubre ti bangkay na ket nagpagatang ti biktima iti kadua na ti maysa a botelya ti arak ken idi naibus da daytoyen ket nagpakada a mapan da iddepen ti makina ti nagpadanuman na.
Naamoan a ti karaman pay a natagtagabt ket ti makina ken ti hose nga inusar na a pagpadanom iti mula na a mais.
Mainaig iti daytoy, kuna ni Mr. Arnold Tabije, ti agtagikua ti farm machineries nga us-usaren ni Cochapin nga adda ti panagreklamo daytoy iti kallabes gapo iti pannangan ti bulos a dingwen kadagiti mula na.
Kunana nga idi laeng bulan ti Disyembre ket adda ti naibaga ti biktima a kinariri na a dinakamat na a “pastor” ken maipagarop a rumaman pay ti kakabsat ti maseknan.
Inlawlawag na nga idi rabii ket nagpukpukaw ni Cochapin iti pagmulaan na gapo ta natagtagabt ti hose nga inusar na a pinagpadanom na ken ti makina ti water pump.
Inpetteng met ni Mr, Isagana Geron ken Mrs. Benadette Miguel nga awan met ti nadlaw da idi rabii a naidumduma a pasamak gapo ta nasapa a naturog malaksid laeng dagiti motorsiklo nga agpadaya ken agpalaud.
Kuna na nga awan met ti nagbalbalin a riri da iti nagbaetan da iti biktima ken iti isyu seknan iti pannangan ti dingwen iti mula ket nagsasarita da ken nabayadan dagitoy, ken awan met ti sakit ti nakem na iti daytoy.
Kabayatanna, kuna ni Barangay Chairman Rommel Ragual nga awan met ti ammo na a nakariri ti biktima ken nasingpet met daytoy.
