LAOAG CITY – Desidiso ti pamilya ni Sang. Bayan Member Jose Martin Jr. iti ili ti Solsona a mangipila ti reklamo kontra iti driver ti kotse a nadungpar ti konsehal iti paset ti Sitio Cabuloan, Brgy. 21 San Marcos iti ili ti Sarrat.
Daytoy ti kinumpirmaran ni Police Major Carlo Abing, ti chief of police ti PNP-Sarrat.
Segun kenni Abing, naggapo ditoy ciudad ti Laoag ti konsehal idi napasamak ti insidente ken rumrumuar a saan na a suot ti helmet na.
Ummuna iti daytoy, nakasignal nga agpakannigid ken sumrek ti kotse ngem nakigtot laengen ti driver idi adda ti dimmungpar iti likod na.
Inlawlawag na pay a sinaludsod ti nakalugan iti ambulansya a nangitaray kenkuana iti ospital no anya ti napamasak ken ti insungbat ti konsehal ket ginandat na nga ipreno ti motosiklo na ngem saan na a naaramiden.
Kunana nga adda ti sugat ti akin-kannigid a luppo ti biktima no sadinno ket naidutok ti manibela ken naitaray iti ospital ngem pimmusay bayat a matamtaming.
Innayon na nga awan met ti nakita da a sugat iti ulo ti biktima.
