LAOAG CITY – Kinumpirmaran ni P/Major Artemio Clemente ti Deputy Chief of Police ti ciudad ti Batac nga addan ti naiwayat nga inisyal a panagsasarita dagiti partido a karaman iti napasamak a desgrasya iti Brgy. Tabug iti nasao a ciudad idi kalman.

Lalaki, dead on the spot; nakadungpar a delivery van, inarado na pay dagiti uppat a luglugan iti ciudad ti Batac

Segun kenni Clemente, patien ti pamilya ti pimmusay a ni Patrick Domingo, agtawen ti 21, awanan asawa, maysa a construction worker ken residente iti Barangay Sta. Cruz iti ili ti Currimao, nangiturong ti motorsiklo nga isu ti akinbasol ti pannakadisgrasya na gapu iti panagovertake na.

P/Major Artemio Clemente, Deputy Chief of Police – PNP Batac

Maipalagip a lima a lugan ti karaman iti nasao nga insidente a pakairamanan ti 2 a motorsiklo, 2 a van ken maysa a kotse.

Inbatad ni Clemente a ti delivery van a kinadinnungpar ni Domingo ket nasapgud na ti kotse.

Nupay kasta, kuna ni Clemente a nakasagana a tumulong ti driver ti van a iti natayan a pamilya.

Kabayatanna, nagbalakad ni Clemente kadagiti motorista nga agannad ken saan nga agdardaras tapno maliklikan iti desgrasya.