LAOAG CITY – Ibilang dagiti otoridad a terrorist incident ti napasamak a pammagkong iti maysa a tren iti Cambridgeshire idiay London.
Iti imbestigasion, uppat manipud kadagiti siam a biktima a nagsagaba ti nakana a sugat ket nakaruaren iti ospital idinto a ti dua nga indibidual ket nagtalinaed nga adda iti kritikal a kondision.
Maipalagip a basar iti British Transport Police, nakaawatda ti tawag nga adda ti pammagkong iti agarup alas-7:42 ti rabii iti Doncaster to London King’s Cross station.
Naammoan a dagiti dua a naarestar a suspek ket British National ken naglugan dagitoy iti Huntingdon Station no sadinno a naarestarda.
Basar iti agtultuloy nga imbestigasion dagiti otoridad mainaig iti napasamak nga insidente a mabalin a mabayagan sakbay a makumpirmaran ti pudno a rason ti pammagkong.
Immuna iti daytoy, inrakurak ni British Prime Minister Kier Starmer iti social media a makaalarma ti napasamak a pammagkong a nakasugatan ti 10 nga indibidual ken kiniddawna iti publiko ti panangsurot kadagiti otoridad.
