LAOAG CITY – Inbatad ni Atty. Juanito Antonio, ti legal counsel ni dati a Dingras Mayor Marinette Gamboa a saan a natuloy ti hearing seknan iti Petition for Bail itay bigat gapo ta awan ti Prosecutor Ramos.
Ni Gamboa ket isu ti maak-akusaran nga utek ti pannakapapatay ni dati nga Ilocos Norte Electric Cooperative president Lorenzo Rey Ruiz idi 2009.
Segun kenni Antonio, awan ti Prosecutor ken nagpila ti Motion to Reset ti pannaka-usig ti Petition for Bail da.
Patien da a daytoy ket panangitaktak laeng iti pannakadengeg ti petisyon da a temporaryo a mawaya-wayaan ti dati a mayor.
Inpetteng na a ni kuma inaramid ni Prosecutor Ramos ket kiniddaw na iti Provincial Prosecutor a mang-assign nga isu ti mangisaop kenkuana para iti hustisya ken alisto a pannagna ti kaso.
Gapo iti daytoy, kiniddaw da iti huwes nga ideklara a nga in-waive ti Prosecution ti kalintegan da a mangipresentar ti ebidensya ken gapo iti daytoy ket inbaga na a nasken laeng a ti mosyon da ket madesisyonan iti uneg ti 30 nga aldaw.
Mangnamnama ni Antonio nga intono Nobyembre 27 ket addan ton ti desisyon ti prosecutor iti mosyon da a makapagpyansa ni Gamboa.
Mainaig iti daytoy, nagatendar ti testigo a ni Noel Aureliano ngem awan ti nagbanagan na gapo ta awan met ti Prosecutor.
Ni Aureliano ti nangitudo idi kenni Gamboa nga utek iti pannakapapatay ni Ruiz ngem inbabawi na met laeng gapo ta basar iti palawag na ket maipagarop a nabutbuteng, na-torture rason a napilitan a nagpirma ken innala met laeng ti pulisya.
Mainaig iti daytoy, kuna ni Atty. Joel Garcia, maysa pay kadagiti legal counsel ni Gamboa nga ammo ti prosecutor nga uray adda ti testigo da ket awan ti nadagsen nga ibaga na a mangipaneknek a nagbasol ni Gamboa ken daytoy ti patien na a rason no apay a saan a nagparang ti prosecutor.
Innayon na a maysa pay kadagiti kangrunaan a sagaanan da ket ti trial proper kalpasan ti manarimaan nga bail hearings.
Maipalagip a natiliw ni Gamboa idiay Calamba, Laguna idi bulan ti Setyembre ken iti adda ket adda iti kustudiyar ti Bureau of Jail Management and Penology (BJMP) iti cuidad ti Batac.
