LAOAG CITY – Kinumpirmaran ni Police Major Paul Benedict Parado, ti chief of police ti PNP-San Nicolas nga addan dagiti na-review da a CCTV footage seknan iti pannakapaltog a nakatayan ni Cleto Reparejo idiay Barangay 16 iti nasao nga ili.
Nupay kasta, kuna ni Parado a saan a nalawag dagiti footage a nakita da ngem kalikagom ti PNP a ma-review amin dagiti CCTV a nakaimuntar manipud iti nagdalan ti biktima.
Segun kenni Parado, maiyur-uray pay laeng ti resulta ti paraffin test ti maibilang a ti person of interest iti nasao a pammaltog.
Inbatad na a basar iti palawag ti person of interest ket rumrumwar nga awan ti pakainaigan na iti pammaltog ket addan iti pamilya na.
Naamoan a ti nasao a biktima ken person of interest ket adda ti nagririyan da idi Pebrero seknan iti panagparking.
Mainaig iti daytoy, kuna ni Parado a ti oangrugyan ti imbestigasyon da ket ti statement ti maysa a tricycle driver a nagpila ti biktima ti TODA iti paset tio Barangay 2, San Baltazar iti nasao nga ili.
Nagpanawagan pay ti hepe iti publiko a no adda ti ammo da ket ireport laeng kadakuada para iti pannakasolbar ti nasao a pammaltog.
