LAOAG CITY – Rumrummuar a ti nga adda ti pakannaiganna ti pannakapaltog ti maysa a babai iti Brgy. Ester iti ili ti Vintar ket maipanggep ti insidente a napsaamak iti ina a napaltog-paltugan idi tawen 2018 ni sadinno maipagarup daytoy a mannamay.
Binigbig dagiti otoridad ti biktima a ni Arlene Badayan, agtawen ti 49, balo ken residente iti nasao a lugar.
Basar iti inisial nga impormasion manipud iti Philippine National Police iti nadakamat nga ili a mannarimaan ti panagluto ti biktima iti kusinada idi kellat a napaltogan daytoy iti saan pay a nabigbig a suspek.
Segun iti otoridad dakkel ti posibilidad a nagpuesto ti suspek iti kabanbantayan nga asideg iti pagtaengan ti biktima.
Nupay kasta, agtultuloy pay laeng ti naan-anay nga imbestigasion ti Philippine National Police iti ili ti Vintar iti sabali pay nga anggulo iti pannakapaltog ti biktima.
Kabayatanna, addaan iti nasayaat a kasasaad ti biktima kalpasan a naitaray daytoy iti balay pagagasan.
Maipalagip a kinumpirmaran ni Brgy. Chairman Abe Agsao iti Brgy. Ester iti ili ti Vintar nga adda ti maysa a babai a napaltogan nadakamat a lugar.
Segun ken ni Kapitan Agsao, adda ti timmawag kenkuana nga adda ti maysa a residente da ti napaltogan rason nga insigida a napan nagresponde.
Innayonna, nga apaman nga insigida a napan nagresponde iti pagtaengan ti biktima ket intarayda a dagos daytoy iti ospital idinto a nasabatda met ambulansiya nga umay agresponde.
