LAOAG CITY – Nawayawayaanen ti driver ti pick-up kalpasan a dinarusdosna ti dua a tricycle iti Brgy. 1 ditoy siudad ti Laoag idi Disiembre 31, 2024.
Segun ken ni Police Master Sergeant Eric Bumagat, mangidadaulo iti Philippine National Police – Traffic Division ditoy siudad ti Laoag, inadmitir ti pick-up a basol na ti napasamak nga insidente idinto nga inako na dagiti amin a magastos kadagiti nadadael a tricycle ken pangpaagas ti maysa kadagiti tricycle driver.
Maipalagip a dinarusdos ti maysa a pick-up ti dua a tricycle iti Brgy. 1 ditoy siudad ti Laoag
Segun iti Philippine National Police – Traffic Division ditoy siudad ti Laoag, ti nagmaneho ti pick-up ket ni Glenn Guerrero, agtawen ti 48, idinto a ti dua tricycle ket ni Judy Mateo Sr. ken ni Dante Quilling nga agpapada a residente ditoy siudad.
Basar iti inisial nga imbestigasion, immunan a naidungpar ti pick-up iti kayo nga asideg iti Data Center College of the Philippines, idinto nga inatras na ti driver ti lugan ken intultuloyna ti nagpasango agingga a naidungpar na ti tricycle iti sanguanan na pakairamanan ti nakaparking a tricycle.
