LAOAG CITY – Pinalagipan ni PLT. Col. Adrian Gayuchan ti hepe ti Philippine National Police iti ciudad ti Batac dagiti nagannak a bantayan a nalaing dagiti annakda.
Daytoy ket kalpasan a nalmes dagiti dua nga ubbing iti small water impounding system iti nadakamat a lugar.
Segun ken ni Gayuchan, dagiti dua ket agtawen ti 14 ken ni Jamell M. Sagun nga agtawen ti 8, agkasinsin ken residente iti Baranagay Colo iti nasao nga ili.
Kunana, napan nagala dagiti agakasisin iti bisukol kadua da ti lola da iti impounding system, no sadinno nga apaman ti panagala da iti bisukol ket naipagalisda nga isu ti nangitunda ti pannakalmesda.
Dagus met a nagkiddaw ti tulong ti lola-da ngem adayu ti nakapasamakan ti insidente kadagiti babbalay isu a nabayagan ti sumagmamano a minuto ti panagresponde.
Apaman ti panagresponde dagiti kameng ti Bureau of Fire Protection (BFP) iti nasao nga ili ken intarayda dagiti biktima iti Mariano Marcos Memorial Hospital and Medical Center (MMMH&MC) ngem natayen dagiti agkasinsin.
Ti impounding system ket isu ti paggapuanan ti danom nga agturong kadagiti kataltalonan iti Barangay Colo a pagat-tao ti kaadalem na.
