LAOAG CITY – Addan ti naestablisar a suspek ti PNP Piddig iti napasamak a pammaltog iti Brgy. 22 Buybuy iti ili a Piddig itay kallabes.
Segun kenni Police Corporal Jessie Aquino ti Philippine National Police Piddig, saan pay a mabalin nga ibutaktak dagiti nakalapda nga impormasyon gapu ta sensitibo daytoy a banag.
Inbatadna a naiget ti isaysayangkatda nga imbestigasion para iti naan-anay nga ebidensya seknan iti pannakapalto-paltog ni Fredalyn Agustin, agtawen ti 52 ken residente iti nadakamat a Barangay.
Inbatadna a kitkitaenda dagiti CCTV nga asideg iti nakapasamakan ti insidente tapno makita iti nagdalanan dagiti suspek.
Naamoan a nangidiaya pay ti LGU Piddig iti gunguna a 50 a ribu a pisos para iti makaitudo iti pakabigbigan dagiti suspek.
