LAOAG CITY – Inlawlawag ni Police Lt. Col. Reynaldo Agoncillo, ti chief of police ti PNP-Batac nga awan ti napasamak a gandat a panagsibrong iti maysa a menor de ead.
Segun kenni Agoncillo, idi rineview da ti CCTV footage ket awan ti gandat a panagsibrong no diket ti nakita da ket ti pamapasahero a jeep ken puraw a van ngem limmabas laeng.
Inbatad na nga idi napan nagreport dagiti maseknan iti kwerpo ti pulisya iti nasao a ciudad ket adda ti iggem da nga straw nga isu ti maipagarop a nausar a pananggalot iti ima ti menor de edad.
Maipalagip a basar ti naireport kadakuada, lima a lallaki a nakalugan ti puraw a van ti bimmaba ken ingalot da ti ima ti ubing usar ti straw ngem nakalibas, ken insalakan ti agnagan ti Ronnie Robero.
Nupay kasta, kuna ni Agoncillo a saan da nga iyaleng-aleng ti report uray awan ti nakita iti CCTV footage ken iyuswat da ti naun-uneg nga imbestigasyon mainaig iti daytoy.
