LAOAG CITY – Inbatad ni Police Major Eddie Suyat, ti chief of police iti ili ti Paoay nga agtultuloy ti iyus-uswat da a naun-uneg nga imbestigasyon mainaig iti pannakapaltog ni Gemma Gapos a residente iti Barangay Nagbacalan iti met laeng nasao nga ili.
Segun kenni Suyat, awan pay ti naala da a naan-anay a palawag manipod iti biktima gapu ta manarimaan pay laeng nga agpapaimbag iti ospital.
Nupay kasta, kuna na nga addan dagiti possible a person of interest da ken inpanamnama na nga iti kabiitan a panawen ket adda metten ti pilaan da ti reklamo.
Maipalagip a kabayatan ti panagdaldalyasat ti biktima kadwa na ti asawa na a nakalugan ti motorsiklo iti paset ti Barangay Veronica iti ili ti Paoay ket kellaat lattan a pinalt-paltugan ida dagiti naglubbon ti motorsiklo a nakatamaan ti pispis ken abaga na.
Iti agdama ket addan iti natalged a kasasaad ti nasao a biktima.
