LAOAG CITY – Naglikudan ni Police Lt. Col. Joemar Labiano, ti chief of police ti PNP-Laoag ti alegasyon ti suspek a ni Faisal Limbona y Madamba, agtawen ti 37, baro, waiter, ken agnanaed iti Carning’s Disco iti Barangay 1 ditoy ciuadad ti Laoag a maipaarop a naimula dagiti ebidensya iti naisayangkat a drug buy-bust operation idi rabii.
Segun kenni Labiano, masansan a kastoy ti rason dagiti matiltiliw iti operasyon dagiti otoridad.
Inbatad na a nadalos ti iyus-uswat da nga operasyon nangruna ket adda dti us-usaren da a body worn cameras kabayatan ti pannakaisayangkat ti operasyon.
Maipalagip a nakumpiskar manipud iti suspek ti maysa a plastic container a naglaon ti tallo a sachet ti maipagarop a marijuana ken dua a sachet ti napagango a bulong ti marijuana a nagatang ti police pusuer buyer, ken ti 500 a buybust money a nausar iti transaksyon.
Naammoan nga agdagsen ti 15.1 grams ti nakumpiskar a maipagarup a marijuana nga agbalor ti 1,812 pesos.
Ummuna metten nga inbatad ti PNP a maibilang nga Street Level Individual ti suspek.
Kabayatanna, datin a naibalod ti suspek idi 2019 gapo met laeng iti iligal a droga ngem nakaruar met laeng idi 2020.
