LAOAG CITY – Kinumpirmaran ni Police Lt. Col. Amador Quicho, chief of police ti PNP-Laoag nga ipadalan da ti polygraph examination wenno lie detector test ni Provincial Security Guard Theodoro Agbayani Herbacio, 54, awanan ti asawa ken residente iti Barangay 3, San Pedro iti ili ti Vintar.
Daytoy ket pakaseknan pay laeng iti pannakapaltog ni Provincial Security Guard Roderick Manuel a taga Barangay 53, Rioeng ditoy ciudad ti Laoag kabayatan a nakaduty iti Provincial Engineering Office.
Segun kenni Quicho, daytoy ket tapno maamoan da no pudno ti rakurak ni Herbacio a dua a putok ti nangeg da a kontra iti palawag dagiti nagdamagan da a maysa laeng a putok ti paltog nangegan.
Ummuna iti daytoy, basar iti panangisayangkat dagiti pulis ti reenactment ket rumrumuar nga “accidental firing” ti napasamak.
Mainaig iti daytoy, kuna ni Quicho nga adda ti nangbalakad kenni Herbacio nga abogado a saan nga agsarita mainaig iti insidente.
Nupay kasta, inpasingked ni Quicho nga iyuswat da latta ti naun-uneg nga imbestigasyon mainaig iti daytoy.
Naamoan da pay a ni Herbacio naiyakar iti Provincial Engineering Office manipud iti kapitolyo probinsyal kalpasan ti accidental firing met laeng a napasamak.
