LAOAG CITY – Grave misconduct ti kaso administratibo nga inrekomendar ti Provincial Internal Affair Service (PIAS) iti Ilocos Norte Police Provincial Office (INPPO) kontra kenni Pol. Corporal Hector Garcia a kameng ti PNP Solsona.
Segun ken ni Pol. Maj. Rodolfo Holinda Jr., mangidadaulo ti PIAS, ti nasao a kaso administratibo ket inrekomendar ti Regional Internal Affair Service (RIAS).
Inbatad na a gapu iti daytoy ket iti RIAS ti pagsungbatan ni Garcia seknan ti naipila a kaso kontra kenkuana.
Kabayatanna, immunan a naipila ti kaso kriminal kenni Garcia ken nagtalianed iti Provincial Holding Administrative Office (PHAO) iti INPPO.
Maipalagip a nagpaputok ti paltog iti Barangay Manalpac iti ili ti Solsona ni Garcia bayat nga adda iti impluwensya ti nasanger ken kalpasan nga adda ti kinariri na a kinainoman na.
