LAOAG CITY – Naipursige ti reklamo seknan iti panaglabsing na iti comelec gun ban ken ti Republic Act 10591 wenno Comprehensive Firearms and Ammunition Regulation Act kontra iti naarestar a gasoline boy iti ili ti Solsona.
Daytoy ti inpakaammo ni Police Major Chris Anthony Sorsano, ti chief of police iti nasao nga ili.
Nabigbig daytoy a ni Renz Feriol y Solomon, agtawen ti 22, naasawaan ken residente ti Brgy. Bagbag iti ili ti Solsona.
Kabayatanna, kuna ni Sorsano a naibasura met ti inpila da a reklamo kontra iti kadua ni Feriol a ni John Ray Dela Cruz y Balaan, agtawen ti 19, estudiante ken residente ti Brgy. Aguitap, iti nasao met laeng nga ili gapu ta kurang dagiti ebisensya a naipresentar.
Maipalagip nga inasot ni Feriol ti paltog na kabayatan nga adda ti saan da a panagkikinaawatan iti maysa pay a grupo iti kallabes.
