LAOAG CITY – Inlawlawag ni Mrs. Felipa Agoo, anak ti biktima ti desgrasya, residente iti Brgy. Naglicuan iti ili ti Pasuquin a nakisarita iti punenarya a nangala iti bangkay ti anak na iti Rural Health Unit iti nasao nga ili.
Kuna na a ti inbaga kenkuana ti punenarya a saan da nga ammo no siasinno ti timmawag kadakuada a mapan mangala iti bangkay ti anak na iti RHU.
Segun kenni Mrs. Agoo, nagtalinaed nga awan ti nangadmitir iti PNP Pasuquin ken iti RHU no siasinno ti timmawag iti punenarya.
Innayon ni Agoo nga inbaba ti punenarya ti singir da iti serbisyo iti 16 a ribo a pisos manipud iti immuna a presyo a 25 a ribo a pisos.
Naamuan a ti Dizon Funeral Homes ti nangala iti bangkay ti biktima nga anak ni Mrs. Felipa Agoo, agarup dua nga oras pay laeng ti napalabas idi pimmusay.
Maipalagip nga inpetteng ti PNP Pasuquin a saan da a timmawag iti punenarya idinto nga iti RHU ket saan a nagsarita seknan ti nasao nga isyu nupay tinawtawagan ti biang ti Bombo Radyo tapno maala ti komento da.
