LAOAG CITY – Agtultuloy pay laeng ti panagbirok dagiti rescue teams ditoy probinsya iti mapukpukaw a menor de edad iti beach resort iti Barangay Calayab ditoy ciudad ti Laoag.
Segun kenni Dr. Melvin Manuel, ti mangidadaulo ti City Disaster Risk Reduction and Management Office ditoy ciudad ti Laoag, adda pay ti drones kasta met iti chopper ti Philippine Air Force a tumultulong saan laeng a ditoy Ilocos Norte no diket iti probinsya pay ti Ilocos Sur.
Karaman kadagiti agbirbirok ita ket Philippine Coast Guard, Philippine National Police, Bureau of Fire Protection ken dadduma pay.
Mainaig iti daytoy, kunana nga itay bigat ket adda ti naawat ti ina ti ubing nga adda ti nakita da a tao isut gapo na a dagus da a nagturong ngem negatibo ti resulta na.
Kabayatanna, nagpanawagan ni Manuel iti publiko ano adda ti makita iti kabaybayan ket dagus da nga ipakaammo kadagiti otoridad.
Maipalagip a nagpakada ti menor de edad a napan nagbisbisikleta ti kadwa na dagiti tallo a papagayam na ken idi nakadanun da iti lugar ket napan timmapog ti biktima iti baybay, ngem saanen a timmakdang ken saan pay a nakita agpapan kadagitoy a gundaway.
