LAOAG CITY – Saan a basta patyen ti simbaan a naluganan ti dakes nga epirito ti maysa a tao.
Reaksyon daytoy ni Fr. Joey Ranjo, pannakangiwat ti Diocese of Laoag seknan iti maipagarop a pannakalugan ti espirito ti maysa a lalaki iti Barangay Cabungaan-B ditoy ciudad ti Laoag.
Segun kenni Ranjo, maibaga laeng a naluganan ti espirito ti maysa a sibibiag no grupo daytoy ti espirito saan a maymaysa laeng.
Inlawlawag na a basar iti naisuro kadakuada ket saan a kabaekan ti maysa laeng nga espirito nga impluwensyaan ti maysa a sibibiag.
Inbatad na a masapol a maadal ti psychological ken emotional ti maysa a tao a maibagbaga a naluganan ti maysa a dakes nga espirito.
Nupay kasta, kuna ni Ranjo a no ado nga espirito ti nanglugan iti maysa a sibibiag ket adda nukwa ti addang nga aramiden ti simbaan.
Kabayatanna, kuna ni Ranjo a dagiti makitkita ket saan a makadangran iti physical no diket ti buteng laeng ti maseknan ti mangipapati a naluganan ti espirito.
