LAOAG CITY – Napaluspusanen dagiti siyam nga indibidual a natiliw gapu iti panagsusugal da iti maysa a tianggi iti Sitio Namnama, Barangay 60-A, Caaaocan ditoy ciudad ti Laoag.
Daytoy ket kalpasan a nakapagpiyansa da ti sag-30 ribo a pisos da.
Immuna iti daytoy, iti naiyuswat nga operasyon ket nakakumpiskar dagiti otoridad ti maysa a set ti baraha ken ti pusta nga umabot iti 1,590 a pisos.
Naikkan pay ti ticket kadagiti suspek gapo iti panaglabsing da iti social distancing.
Kabayatanna, mapilaan latta ti reklamo babaen iti regular filing ti agtagikua ti tianggi a nakalibas iti naiyuswat nga operasyon.
