LAOAG CITY – Nagpositibo iti drug test examination ti subject ti drug buybust operation iti Brgy. 7-B ditoy siudad ti Laoag idi rabii.
Nabigbig ti subject ti operasyon a ni JAE CABACUNGAN y ACERET, agtawen ti 38, addaan ti live-in partner, maysa a poultry delivery boy ken residente ti Brgy. 19 iti ili ti Vintar.
Ita met ti pannaka-inquest ni Cabacungan ken sumango iti kaso a panaglabsing iti Republic Act 9165 wenno Comprehensive Dangerous Drugs Act of 2002.
Maipalagip kinemmeg dagiti otoridad ti subject ti operasyon kalpasan a naglako ti maysa a sachet a naglaon ti maipagarop a shabu iti nagpammarang a poseur-buyer.
Iti panangkapkap dagiti otoridad ken ni Cabacungan ke naala da iti ikot na ti sangaribo a pisos a nausar iti operasyon ken ti uppat a pedaso ti sagsangaribo a pisos a peke a kwarta, nangisit a pitaka a nakaipanan ti ID ken cellphone ti subject ti operasyon.
Kabayatanna, inpetteng ni Cabacungan a naimula laeng kenkuana ti narekobre maatap a shabu.
