LAOAG CITY – Nakarwaren iti pagbaludan ni Reyquel Esta Samosam, ti subject ti entrapment operation iti Brgy 16. iti ili ti San Nicolas.
Daytoy ti inpakaamo ni Roselyn Domingo, ti live in partner ti nasao a subject.
Segun kenni Domingo, daytoy ket kalpasan nga awan ti naan-anay a maiparang dagiti otoridad a mangpaneknek ni Samosam ti akin-kukua kadagiti nakumpiskar kenkuana nga iligal a banag.
Saan metten a nangipaay pay ti sabali pay a detalye ti Domingo.
Maipalagip a natiliw ni Samosam idi laeng Sabado, Enero 28 iti naisayangkat nga entrapment operation iti Brgy 16, iti ili ti San Nicolas ken nakumpiskar kenkuana ti maysa a kalibre 38 a paltog ket uppat a bala ti nasao a paltog, maysa a sachet ti maatap a napagnago a bulong ti marijuana, sua a pares ti sapatos, tallo a relo, dua a pidaso ti 1,000 peso bill.
Ummuna metten a naglikudan ni Samosam ti akusasyon a kukua na dagiti nasao a banag no diket kukua ni Andy Dominggo nga agtagikua iti kotse a nagluganan na.
Kabayatanna, kinumpirmaran ti PNP San Nicolas a nakarwar iti pagbalodan ni Samosam gapo iti kinakurang ti ebidensya.
