LAOAG CITY – Kinumpirmaran ni Police Lt. Col. Amador Quiocho, hepe ti PNP Laoag a drug personality ni Rogelio Aquino Jr.
Kuna na a top 10 iti Ilocos Norte ken top 5 ditoy siudad ti Laoag ti subject ti search operation.
Segun kenni Quiocho, dua a lawas ti napalabas sakbay nga inwayatan da ti search operation.
Inlawlawag na a nangiwayat da iti test buy iti kallabes agingga a nagaplikar da ti search warrant.
Inbatad ni Quiocho a no drug buy bust operation iti inwayat da ket possible a maysa laeng a sachet ti maala na ngem no search operation ket maala amin dagiti iligal a druga.
Mainaig iti daytoy, maipila ti kaso a panagikot ti iligal a druga ken panagikot iti iligal nga eksplosibo nga adda iti babaen ti i panagsalungasing iti RA 9516 ken RA 9165 wenno Comprehensive Dangerous Drugs Act of 2002.
Inbatad ni Quiocho a maipila dagiti kaso nupay saan a naarestar ni Aquino tapnbo al-alisto a rumwar ti warrant of arrest kontra kenkuana.
Innayon na nga agop-operar ni Aquino ditoy siudad ti Laoag, iti ili ti San Nicolas ken iti ili ti Bacarra ken posible nga adda dagiti parokyano na iti Discolandia ken dadduma pay iti pagturungan na.
Posible nga adda pay ti kontak ni Aquion iti kabagyan na a nakabalud iti penal colony iti Metro Manila.
