LAOAG CITY – Awan ti ammo ni Mr. Joseph Soriano, maysa a barangay tanod ken partidor ken residente iti Barangay Libtong iti ili ti Bacarra no apay a naiyuswatan ti search warrant operation.
Segun kenni Soriano, nakailanad iti search warrant a masukimat kuma iti balay na ket ti carbine ken M16 rifle a paltog.
Inadmitir na a saan na nga ammo no anya a klase ti paltog ti maibagbaga nga ik-ikotan na ken saan pay a nakaiggem ti nasao nga armas.
Kabayatanna, ibilang ni dati a Barangay Chairman Jonathan Acio iti nasao a barangay a nasayaat para kenkuana ti operasyo gapo ta nalawlawagan ti nagan na kalpasan ti negatibo a resulta.
Naipalaon met iti search warrant para kenkuana ti M16, kalibre 45 ken 357 pistol.
Kunana nga awan met ti ammo na a rason no apay a naiyuswatan ti operasyon.
Inlawlawag na nga idi isuna ti kapitan ket adda ti kalibre 24 na a paltog ngem idi nagexpire ti lisensya na ket insuko na iti PNP.
Iti sabali a bangir, inbatad ni Barangay Chairman Benjamin Velasco iti Barangay 10 iti met laeng nasao nga ili a babaen ti negatibo a resulta ti naiysuwat a search warrant babaen ti NBI ditoy ciudad ti Laoag ket mangipaneknek nga awan ti aramid na nga iligal.
Ummuna iti daytoy, nagyaman ni Galiza gapo ta awan ti naala iti balay na ken ammo na nga awan ti iduldulin na nga armas.
