LAOAG CITY – Patien ni Mr. Rommel Navarro, ti Presidente ti asosasyon dagiti treasurer ditoy ciudad ti Laoag ken supplier iti Barangay San Mateo nga awan ti nagkurangan na iti pannakaipadanon dagiti supplies iti nasao a barangay.
Segun kenni Navarro, pudno nga isuna ti supplier ti janitorial supplies kasta met iti abuno iti Barangay San Mateo.
Kunana a ti ammo na ket nalpasen daytoy nga isyu gapo ta adda metten ti panagsasarita da iti uneg ti barangay ken nakapagtutulag dan mainaig iti daytoy.
Inlawlwag na a saan nga overpriced ti abuno gapo ta dimmalan met iti proseso ken isu ti nakaibatugan iti pondo ti barangay.
Inpakammo na a saan nga isuna ti naggapoan mismo ti abuno no diket isuna ti mapan agbirok iti paggatangan ken no kuma direkta a gatangen ti iti Barangay San Mateo kadagiti mismo nga aglaklako ket malakaan kuma dagitoy.
Mainaig iti daytoy, kuna ni Navarro a saan ng agpayso nga awan ti resibo kadagiti naidelivr nga abuno gapo ta saan kuma a pinirmaan ti Accounting Office ditoy ciudad ti clearance.
Dinakamat a pay a saan laeng a ti iti Barangay San Mateo ti supsuplayan na ditoy ciudad no diket adda pay iti sabali a barangay ken awan met ti agbalbalin a problema.
Kabayatanna, mamati pay daytoy a saan a ti panangisuplay na ti problema no diket adda ti posibilidad na a maar-aramid laeng dagitoy iti pultika iti nagbabaen dagiti opisyales iti Barangay San Mateo.
Innala met ti Bombo Radyo Laoag ti komento ni Kapitan Dante Agustin iti iti Barangay San Mateo ngem saan nan a kinayat ti agsarita mainaig iti daytoy a banag.
