LAOAG CITY – Manamnama a maipisok iti Bureau of Jail Management and Penology (BJMP) ditoy ciudad ti Laoag ti suspek a nagtakaw iti maysa nga establishimento ditoy ciudad ti Laoag.
Nabigbig daytoy a ni Wilbert Martires Dumalaon, 59, awanan ti asawa, ken residente iti 576 Far East Asia Village, Mayamot, Antipolo City.
Segun iti imbestigador ti Philippine National Police ditoy ciudad ti Laoag, iyur-uray da laengen ti commitment order tapno maipisok iti Bureau of Jail Management and Penology.
Maipalagip a natiliw ni Dumalaon iti napalabas nga aldaw gapo iti panangisuksok na ti nagduduma nga items nga agbalor ti 10 a ribo a pisos.
Ummunan nga inbatad na nga idi nakadanon ditoy ciudad ketnmapan pay laeng nangan iti maysa a fast food restaurant.
Inbatadna nga idi nalpas a nangan ket agur-uray nga aglukat dagiti establishimento iti sentro ditoy Siudad tapno makagatang iti balonenna a mapan agpasiar iti Paoay Sand Dunes nga isu ti nag-shootingan iti pelikula a Himala ni Nora Aunor.
Kunana a kabayatan ti panagur-urayna ket ditoy a nakitana a naglukat iti maseknan nga establisimiento no sadino a nalagipna a kasapulanna ti gumatang iti personal kit kas iti sabon, shampoo ken lotion.
Inlawlawagna a kabayatan iti panagsursorna iti nasao nga establisimiento ket dita met a saanna a nagawidan iti bagbagina a nangibulsa ti maysa a lotion ken maysa a shampoo.
