LAOAG CITY – Kinumpirmaran ni P/Capt. Sygman Benigno, Hepe ti San Nicolas Municipal Police Station a ti suspek iti nabirukan a bangkay iti Barangay 16 San Marcos iti ili ti San Nicolas ket maysa kadagiti nakainuman ti biktima.
Inbatadna a manamnama a mapilaan ti kaso a murder ti suspek ita a lawas kalpasan nga adda dagiti ebidensia a mangipaneknek nga isuna ti adda iti likudan ti insidente.
Inlawlawagna a ti suspek ket dati a natiliwen babaen ti pannakaiwayat ti Anti-Illegal Drug Buy-bust Operation iti Barangay 16 iti ili ti San Nicolas.
Kunana nga iti agdama ket adda iti Ilocos Norte Provincial Jail ti suspek.
Maipalagip a nabirukan a maysan a nalamiis a bangkay ti biktima a sumagmamano nga aldaw a mapukpukaw iti Barangay 16 San Marcos iti ili ti San Nicolas.
Immuna iti daytoy, sakbay ti insidente ket nagiinum ti biktima ken innem pay nga indibidual.
