LAOAG CITY – Pormalen a sumangsango ti kaso a panagsalungasing iti Republic Act 9165 wenno Comprehensive Dangerous Drug Act of 2002 ti suspek a naarestar babaen iti naiwayat nga Anti-Illegal Drug Buy-Bust Operation iti Barangay Vira ditoy ciudad ti Laoag idi Setiembre 12, 2024.
Nabigbig ti suspek a Gino Sia, agtawen ti 35, addaan ti live-in partner, agtutubo iti Brgy. Estancia iti ili ti Pasuquin ken residente iti Brgy. 55-C, Vira ditoy siudad ti Laoag.
Segun iti chief investigaotor ti Philippine National Police ditoy siudad ti Laoag a maiyururay laeng ti pannakaipisok ti suspek iti Bureau of Jail Management and Penelogy.
Immunan iti daytoy balligi a naarestar ni Sia nti-IllegalDrug Buy-Bust Operation iti Barangay Vira ditoy ciudad ti Laoag.
Kinemmeg a dagus dagiti otoridad ti suspek kalpasan a naglako ti maysa a sachet a naglaon ti a shabu nga agbalor ti nasurok lima a ribu a pisos.
Mainaig iti daytoy, sumurok-kumurang nga agdagsen iti dua gramo ket addaan ti street value a P13,600.00
Basar kadagiti otoridad, malaksid iti maipagarop a panaglaklako ti illegal a droga ti suspek ket adda pay ti nakairamramanan na a kaso kas ti panagtakaw wenno akyat-bahay.
Nupay kasta, inpetteng ti suspek a saanna a bagi dagiti naala nga ebidensya kontra kenkuana.
Kabayatanna, maibilang kas street level individual ti nadakamat a suspek.
