LAOAG CITY – Napilaanen ti kaso a frustrated murder ti suspek iti napasamak a pammagkong iti ili ti San Nicolas.
Immuna iti daytoy, nagsagaba ti sugat ti maysa a lalaki kalpasan a nabagkong iti paset ti Barangay 3 iti ili ti San Nicolas, partikular iti likodan ti merkado publiko.
Segun kenni Police Major Eduardo Santos, ti chief of police ti Philippine National Police – San Nicolas ti biktima ket residente iti Barangay 10 idinto a ti suspek ket iti Barangay 1 iti nasao met laeng nga ili.
Iti inisyal nga imbestigasyon, agpada a nakainom ti suspek ken biktima pakariamanan dagiti kakadwa da idi adda ti saan da a nagkinnaawatan.
Inbatad na a kalpasan daytoy ket nagawid ti suspek ngem nagsubli ken ditoyen a binagkong na ti biktima iti akin-kannigid a bakrang na usar ti natarid a banag wenno ti mapapati nga ice pick.
Gapo iti daytoy, dagus met a naitaray iti Black Nazarene ti biktima para iti pannakataming na ken dumalan iti operasyon.
Iti agdama, nagtalinaed ti suspek iti kustudiyar ti pulisya iti ili ti San Nicolas.
