LAOAG CITY – Nagtalinaed iti kustodyar ti Philippine National Police (PNP) ti suspek iti napasamak pammagkong ditoy siudad ti Laoag.
Daytoy ket kalpasan a naan-anayen a naipila ti kaso a murder kontra ken ni Alexis Arone Sta. Maria, adda iti umno tawen, Grade 11 student ti Ilocos Norte College of Arts and Trades ken residente ti Brgy. 1 ditoy Siudad.
Immuna iti daytoy, natay ti biktima ti pammagkong a ni Mark Vincent Toledo, agtawen ti 18, baro ken residente ti Brgy. 46, Nalbo ditoy Siudad ti Laoag gapu kadagiti sinagaba na a naruay a sugat iti nagduduma a paset ti bagina.
Napasamak ti pammagkong iti likod ti Kapitolio Probinsial a sakupen ti Barangay 13 ditoy Siudad.
Ti suspek ket simmuko iti National Bureau of Investigation ngem nai-turn over met laeng daytoy iti Philippine National Police ditoy Siudad ti Laoag.
