LAOAG CITY – Naipilan ti kaso a frustrated homicide kontra iti suspek ti pammagkong iti ciudad ti Batac.
Segun kenni Police Lt. Col. Jerome Wangkey, ti Chief of Police iti ciudad ti Batac, agpapan ita ket saan da pay a nabirukan ti suspek a residente iti Brgy. Barani ti nasao a ciudad.
Nupay kasta, kuna na nga agtultuloy ti koordinasyon da kadagiti nagduduma nga ili para ti al-alisto a pannakaarestar ti suspek nangruna ket kalpasan ti pannakaipila ti kaso ket sumaruno ti pannaiparuk-at ti warrant of arrest.
Kabayatanna, addan ti nasayaat a kasasaad ti biktima ti pammagkong a residente iti Brgy. Bil-loca iti ciudad ti Batac ngem agtultuloy pay laeng ti panagrekobre na.
Maipalagip a nagsagaba ti sugat iti nagduduma a paset ti bagi ti biktima kalpasan a binagkobagkong ti suspek kalpasan ti panagririri da kabayatan ti panaggiinom da iti Barangay Bil-loca ti nasao a ciudad.
