Update: Suspek iti pammaltog iti ili ti Marcos, saan ng army reservist, segun kenni Lt. Col. Ericson Bulosan

LAOAG CITY – Saan nga army reservist ti suspek ti pammaltog iti merkado publiko iti ili ti Marcos.

Daytoy ti inlawlawag ni Lt. Col. Ericson Bulosan, ti Director ti 101^st (Ilocos Norte) Community Defense Center, 1st Regional Community Defense Group.

Segun kenni Bulosan, idi nadamag da ti pammaltog ket inberipikar da a dagus no pudno a reservist ken basar iti rekord da ket awan ti nagan ti suspek iti listaan.

Saan met a masigurado ni Bulosan no anya ti nagbasaran ti Philippine National Police iti ili ti Marcos a maysa a reservist ti natiliw da a suspek iti pammaltog.

Inlawlawag na a mabalin a dati a reservist ti suspek gapo ta basar iti naipadanon kenkuana nga impromasyon ket adda ti rumrumuar a nakita nga ID manipud iti suspek.

Nupay kasta, kunana nga inberipikar da pay iti maibagbaga a 104^th Community Defense Center ngem awan ti nagan na iti daytoy.