LAOAG CITY – Napilaanen ti kaso a Disobedience a 2 counts ti suspek a ni John Aaron Castro, agtawen ti 18, mekaniko ken residente iti Barangay 18 San Isidro iti ili ti Sarrat gapu iti panangdangranna kada Barangay Kagawad Crisanto Rasay, agtawen ti 41 ken ni Chief Tanod Joel Lagula agtawen ti 55.
Daytoy ti inpakaammo ni P/Capt. Kester Arellano, Hepe ti Sarrat Municipal Police Station.
Nupay kasta, inlawlawagna nga insigida met laeng a nakaruar iti pagbaludan ti suspek kalpasan a nagpiyansa daytoy ti innem a ribu a pisos.
Maipalagip a nasugat ti ulo ken rupa dagiti dua nga opisial ti barangay kalpasan a napanda naganawa ti riri ti agama.
Immuna iti daytoy, naammoan a menor de edad pay laeng ti suspek ket addan dagiti sumagmamano a nakairamramananna a riribuk iti barangayda.
