LAOAG CITY – Nagpositibo iti drug test ti suspek a napilaan ti kaso gapu iti panaglabsingna iti Republic Act No. 9165 wenno ti Comprehensive Dangerous Drugs Act of 2002.
Daytoy ti kinumpirmaran ni P/Capt. Kester Arellano, Hepe ti Sarrat Municipal Police Station.
Malaksid iti daytoy ket nagpositibo pay dagiti nakumpiskar kenkuana a shabu.
Gapu iti daytoy sumangsangon ti suspek iti panagsalungasing ti Section 5 ken Section 11 ti Republic Act No. 9165 wenno ti Comprehensive Dangerous Drugs Act of 2002.
Maipalagip a naarestar ti suspek a ni Marvin Miguel, agtawen ti 28 ken residente ti Brgy. 17 San Felipe iti ili ti Sarrat ken nakumpiskar dagiti otoridad ti innem pay nga heat sealed transparent plastic sachet a naglaon ti maipagarup a shabu nga agdagsen ti sumurok-kumurang dua a gramo nga agbalor ti 13,600 a pisos.
Mainaig iti daytoy, ti suspek ket maibilang nga Street Level Individual ken nabayagen nga imonmonitor dagiti otoridad.
