LAOAG CITY – Inpakaamo ni PCapt. Norman Pentang, chief of police ti PNP-Banna a kaso a murder ken frustrated murder ti maipila iti gunman ti napasamak a pammaltog iti Brgy.4-Marcos iti ili ti Banna.
Segun ken ni Pentang, manamnama a maipila ti kaso kontra kenni Brgy. Kagawad Lucky Paul Baoit iti Brgy. Sto Niño iti ili ti Nueava Era intuno lunes.
Nu pay kasta, kuna na a maiyus-uswat pay ti naun-uneg nga imbestigasyon seknan iti pannakapalto-paltog ni Jamerson Agamata y Calano, agtawen ti 53 ken residente iti Brgy. Nagpatayan iti ili ti Banna.
Kuna ni Pentang a saanda a pulos a mapagpudno ti suspek nu siasino ti sabali pay nga adda iti likudan ti krimen ken naiget a pagliklikudan na ti insidente.
Kabayatanna, inpakaamo ti hepe nga awan pay ti nalawag a motibo iti krimen.
Nu pay kasta, inbunannag na a naiget a maimbestigaran daytoy a banag agsipod ta rumrumuar nga adda ti nakairamramanan ti biktima a panagpapatay idi tawen 2016 ken maysa a person of interest ngem saan a napilaan ti kaso.
Maipalagip a nagsaba ti innem a tama ti bala ni Agamata no sadinno a lima iti barukong ken maysa iti abaga na idinto a ti anak na a napan na sinukon ken kadwana idi napasamak ti krimen ket gasgas iti nagduduma a paset ti bagi ti sinagaba na.
