LAOAG CITY – Sumango iti kaso a frustrated murder ti suspek ti pammagkong iti Brgy. 7 San Miguel iti ili ti San Nicolas kalpasan a binagkong na iti kaanakan na.
Segun ti Philippine National Police iti ili ti San Nicolas, desidido a mangipila ti kaso iti pamilya ti biktima a nabagkong.
Iti agdama, nagtalinaed paylaeng iti ospital ti biktima para iti naan-anay a pannakataming na idinto a ti suspek ket adda iti iti kostudiyar iti Philippine National Police.
Maipalagip a a kellaat a binagkong ti suspek usar ti kutsilyo iti tengged ti kaanakan na bayat a nakatugaw iti pagtaengan da.
Gapo iti daytoy, nagpukkaw ken nagpatulong ti biktima ken dagus a nataray iti Black Nazarene Hospital para iti pannakatamming na.
Kalpasan ti insidente dagus a naglibas ti suspek a nagpaabagatan ken iggem na ti kutsilyo nga inusar na ngem natiliw met laeng daytoy.
