LAOAG CITY – Inpakaammo ni P/Cpt. Randy Damo, hepe iti San Nicolas Municipal Police Station a naan-anayen a snapilaanen ti kaso ti suspek ti napasamak a pammaltog iti Brgy. 22 San Guillermo iti nasao nga ili.
Sumamngo ti suspek a pinaltoganna ti bukodna nga anak iti kaso a parricide ken panaglabsingna iti Republic Act 10591 wenno Comprehensive Firearms and Ammunition Regulation Act.
Maipalagip nga immununan a binigbig dagiti otoridad ti ti biktima a ni Jovanie Cabbat, agtawen ti 25 ken ti suspek nga amana a ni Fermin Cabbat, agtawen ti 57, maysa a retired Army nga agpada a residente iti nasao a lugar.
Mainaig iti daytoy, narekobreda iti nakapasamakan ti insidente ti dua a magazine ti 5.56 ken dua a magazine ti 7.62 pakairamanan ti lima a kapsula ti paltog
Nupay kasta, desido ti ina ken kabsat ti biktima nga agipila ti kaso kontra iti suspek.
Kabayatanna, nagtalinaed ti suspek iti kuerpo ti polisya
Iti agdama, saan pay a nasapolan dagiti otoridad ti nausar a paltog iti napasamak nga insidente.
