LAOAG CITY – Inbatad ni Henson Aguiran, maysa kadagiti biktima ti pammaltog iti Barangay Sagpatan iti ili ti Dingras a bayat a nakamotorsiklo da kenni Roldan Deuz ket sinada ni Sammy Alejo ida ken dumawat ti paggasolina.
Segun kenni Aguiran, naibaga ti kadua na a ni Deuz a bassit ti gasolina da ken nakigtot laengen gapo ta natuliden ti kadua na.
Inlawlawag na nga idi bimmaba isuna iti motorsiklo ket adda ti nangeg na a putok ken nadlaw nan a natamaan iti akin kannigid a lapayag na.
Kuna pay ni Aguiran a maipagarop pay nga indanog ni Alejo ti paltog iti bukot na ken kinasarita na pay laeng ti suspek no sadinno naibaga na a babassit pay dagiti annak na agingga a nagtaray ken nabati ti kadua na.
Mainaig iti daytoy, inbatad na nga awan met ti ammo na a nagriryan da kenni Alejo nga isu kuma ti mabalin a rason daytoy.
Naamoan manipud kenni Aguiran a ti ama ken ina ti suspek ket collector da iti STL.
Inpetteng na a ni Alejo ti nakita da gapo ta napigsa pay ti silaw ti motorsiklo da ken awan ti nakita da a kadua ti suspek iti dayta a gundaway.
