LAOAG CITY – Balligi a natiliw babaen ti joint operation ti City Drug Enforcement Unit ti ciudad ti Batac ken PNP-Pasuquin ti maysa kadagiti maitudtudo a suspek iti pammapatay idiay Barangay Sta. Matilde iti ili ti Pasuquin.
Naarestar ti agnagan ti Jesthony Baobao y Invencion, agtawen ti 23, awanan ti asawa, construction worker, drug surrenderer ken residente iti Brgy Capacuan iti ciudad ti Batac.
Natilw daytoy gapo iti hot pursuit operation nga inyuswat dagiti otoridad kalpasan a naitudo a suspek iti napasamak a pammapatay iti mismo uneg ti Sta Matilde Elementary School, Brgy Sta Matilde, Pasuquin.
Naamoan a bayat ti panangkapkap wenno bodt search ket nakumpiskar iti ikot na ti 2 a plastic sachet a maipagarop a naglaon ti napagango a bulong ti marijuana.
Iti agdama ket nagtalinaed ti suspek iti PNP-Batac para iti naan-anay a disposisyon.
