LAOAG CITY – Saan a pudno nga empleado iti OWWA dagiti tallo nga indibidwal a natiliwan iti border control iti ili ti Badoc.
Daytoy ket kalpasan ti panangberipikar dagiti otoridad iti national office ti OWWA kalpasan a nagpabigbig dagiti tallo nga empleado iti nasao nga ahensya.
Segun kenni Police Major Joseph Tayaban, chief of police ti PNP-Badoc, naiget ti panangberipikar da naduktalan a dagiti dua a lallaki ket bus driver idinto a ti babai ket HR manager ti maysa a bus company.
Ummuna iti daytoy, kunana a sakbay a natiliw dagiti tallo nga inidbidwal ket timmawag kenkuana dagiti personnel ti border checkpoint iti La Union a mapagat-atapan ti garaw dagiti maseknan.
Gapo iti daytoy, dagus a nagturong iti Badoc border control ni Tayaban ken idi inamiris da a nalaing dagti dokumento dagiti tallo nga indibidwal ket nakita da nga awan ti bar code ken seal ti RT-PCR test result dagitoy.
Iti agdama, saan pay a makumpirmaran ni Tayaban no mangipila met ti rekamo ti OWWA gapo iti panangusar dagiti tallo nga indibidwal ti nagan ti ahensya malaksid laeng iti ipila da a panaglabsing iti Article 174 of Revised Penal Code wenno ti Falsification by Private Individuals and use of Falsified Documents.
First report : https://www.bomboradyo.com/laoag/tallo-a-maipagarop-nga-empleado-ti-owwa-natiliw-gapo-iti-panangpeke-da-ti-antigen-test-resut-da/
