LAOAG CITY – Naideklarar ti tallo nga aldaw a panagladingit iti probinsya ti Dagestan idiay Russia.
Daytoy ket gapu iti ipupusay ti 19 a tattao kalpasan ti iraraot dagiti armado a suspek iti synagogue ken simbaan iti Derbent City iti probinsya ti Dagestan.
Karaman kadagiti natay ket ti innem a pulis ken maysa a padi, idinto nga adda met ti lima a suspek a napatay dagiti otoridad.
Malaksid kadagiti pimmusay ket adda pay ti 16 a sabsabali a nasugatan iti insidente ken agtultuloy dagitoy a maag-agasan iti ospital.
Agpapan ita ket awan pay ti grupo a nangadmitir iti insidente, ngem ti Islamist group ti masansan a mangiyuswat ti panagraot iti nadakamat a lugar.
