LAOAG CITY – Kinumpirmaran ni Police Captain Rudy James Jacalne, ti chief of police ti PNP-Piddig ti pannakatiliw ti Top 1 Most Wanted Person.
Nabigbig daytoy a ni John Pacaro Saguid, ti nakadungpar iti agkakapamilya a residente iti ili ti Sarrat a puon ti nakatayan dagiti lima a miembro iti Nobyembre iti napalabas a tawen.
Natiliw daytoy iti Barangay Ester iti ili ti Vintar.
Segun kenni Jacalne, inserbi da ti rarrant of arrest nga inparuk-at ni Lagmay, Presiding Judge, 4th MCTC, First Judicial Region, Piddig-Solsona-Carasi, gapo iti kaso ni Pacaro a Reckless imprudence resulting in multiple homicide, serious physical injuries and damage to property.
Narekomendaran met ti 60 a ribo a pisos a pyansa ti akusado para iti temporaryo a pannakawaya-waya na.
Kunana nga awan met ti panagresistir ti akusado idi natiliw daytoy.
