LAOAG CITY – Nabirukan ti bangkay ti agtawen ti 5 nga ubing a nalmes iti karayan iti paset ti Barangay Zamboanga ditoy ciudad ti Laoag.
Nabigbig daytoy a ni Denise Joy Tejada ken residente iti Barangay 36, Araniw ditoy ciudad.
Naamoan a 10:30 idi rabii idi nabirukan da ti bangkay ti ubing iti paset met laeng ti Barangay Zamboanga, ken naitaray daytoy iti Laoag City General Hospital ngem saanen nga agang-anges.
Segun kenni Dr. Melvin Manuel, dagiti residente met laeng iti Barangay Zamboang ken Lapaz ti nakabiruk iti bangkay ti ubing iti igid ti karayan ken daytoy ket bimsugen.
Ummuna iti daytoy, kuna ni Mr. Noriel Tejada, ti ama ti biktima ken operator ti backhoe nga idi nalpas ti trabaho na ken mapan na kuma alaen dagiti aggi-ina na ket ditoy a napukawen ti ubing bayat nga agal-ala ti tukmem ti asawa na.
Gapo iti daytoy, dagus na a binatok ti karayan ngem gapo iti bannog na ket insardeng na ti nagbirok.
