LAOAG CITY – Umaboten iti 36 a tattao ti natay idinto a 30 a sabsabali dagiti nasugatan iti panagreggaay ti paset ti expressway iti Guangdong province idiay China iti baet ti panagdalyasat ti naruay biyahero para iti May Day holiday break.
Daytoy ket kalpasan a naregreg iti kapitakan a paset ti derraas ti sumagmamano a lugan a dumaldalyasat iti nasao nga highway.
Ti nasao nga expressway ket maysa kadagiti lugar iti Guangdong, China a kangrunaan a nakapasar ti napigsa a tudtudo nga adda ti kabulbulon na a yelo sipud iti naudi a paset ti Abril a nangitunda kadagiti narisgo a mudslide, nalayos dagiti balay ken naperdi dagiti rangtay.
Kabayatanna, inbilin ni Chinese President Xi Jinping ti panangikarigatan dagiti ogoridad a salbaren ti biag dagiti nairaman iti insidente bayat nga agtultuloy ti panagtudtudo na iti nasao a rehiyon.
Adda metten dagiti naiwaras a task force manipod iti central ken local governments tapno mangiyuswat ti rescue operations.
