LAOAG CITY – Umaboten iti nasurok nga 60 a tattao ti nairekord a natay idiay Vietnam kalpasan iti iduduprak ti bagyo yagi a dati a naawagan kas Enteng iti Pilipinas.
Malaksid kadagiti natay ket adda pay ti nasurok a 240 a sabsabali a nasugatan idinto a 13 dagiti mapukpukaw.
Immuna a nagdisso iti daga ti bagyo idiay China a nakaapektara ti nasurok a maysa a milyon a residente ken nagdisso manen iti Vietnam.
Mainaig iti daytoy, minilyon pay a balay ti napukawan ti suplay ti kuryente, karaman dagiti kompanya ken narba ti Phong Chau bridge iti Phu Tho province.
Napukawan pay ti communication service, internet service, ken dadduma a vital services idiay Vietnam gapu iti iduduprak ti bagyo.
