LAOAG CITY – Inkalintegan ni Police Major Jephre Taccad, ti pannakangiwat ti Ilocos Norte Police Provincial Office (INPPO) ti naiyuswat a gun-buy bust operation a nakatiliwan ni Mr. Elpidio delos Reyes iti Barangay Root iti ili ti Dingras idi biernes, Hunyo 25 kalpasan a maipagarop a naglako ti paltog.
Daytoy ket kalpasan nga adda ti agwarwaras a video iti social media kangrunaan na iti facebook mainaig iti maipagarop a panagimula ti ebidensya dagiti operatiba a nangiyuswat ti operasyon.
Inpetteng ni Taccad a nabuya dan ti nasao a video ken inyuman dan daytoy a banag iti legal officer da.
Inlawlawag pay ni Taccad a saan a conclusive ken nalawag ti maibagbaga a makita iti video ti panagmula ti ebidensya dagiti operatiba ken ni delos Reyes.
Inpalgak na a ti nalawag a makita iti video ket ti panagresistar ti suspek a matiliw isut gapuna nga igawgawid dagiti otoridad no sadinno a maysa kadagiti pulis ti nasaktan.
Innayon na a legal amin nga operasyon da ken awan ti suspek a mangadmitir iti illegal nga aktibidad na.
Inpakaammo ni Taccad a tallo a kaso ti naipila kontra ken ni delos Reyes, karaman ditoy ti direct assault, panaglabsing iti Republic Act (RA) 10591 wenno illegal possession of Firearms ken panagikot ti Illegal a droga kalpasan a naalaan ti 4 a sachet a naglaon ti maipagarop a shabu ti suspek.
Maipalagip a natiliw ni delos Reyes kalpasan a maipagarop a naglako ti maysa a cal. 38 revolver iti pulis a nagpammarang a gumatang iti balor a 3 ribo a pisos ngem naiget a naglikudan daytoy ti suspek.
