LAOAG CITY – Natiliw dagiti uppat a babbai ken dua a lallaki gapo iti iligal a panagsusugal da iti paset ti Purok 1, Brgy. 34 Cabaruan, Bacarra, Ilocos Norte.
Nabigbig dagitoy nga isuda Nancy Cubangbang y Garro, 54 naasawaan, residente iti Brgy 35 Pipias;Ruel Agas y Endril, 37, awanan ti asawa, Madelyn Campo y Arguilles, 43, naasawaan, mannalon; Bryan Garnate y Cadiente, 34; Rosenda Ocampo y Afaga, 50 ken Lilibeth Garciq y Aceret, 44, agpapada a residente iti Brgy 34 Cabaruan iti nasao nga ili.
Basar iti PNP-Bacarra, inyuswat ti PNP-Bacarra ti Anti-Gamblimg Operation iti sangwanan ti balay ni Jason Afaga iti nasao a barangay ken naaktuan da nga agsusugal dagiti maseknan.
Gapo iti daytoy, nakumpiskar dagiti otoridad ti maysa a set ti baraha, maysa a monobloc table, innem a monobloc chairs ken kwarta nga agdagop ti 6,305 a pisos.
Manamnama met a sumango ti kaso a panaglabsing iti PD 1602 wenno Illegal Gambling.
