LAOAG CITY -Nasugatan dagiti uppat a tattao a pakairamanan dagiti tallo a menor de edad a babbai kalpasan ti panagsinnapgud ti tricyle ken Toyota Tamaraw Wagon.
Nabigbig ti maysa kadagiti biktima a ni Arlene Aceret Yuzon, agtawen ti 43 ken residente iti Barangay Malampa iti ili ti Vintar, ken dagiti dua nga agtawen ti 17 ken maysa nga agtawen ti pito.
Ti nangiturong ti nasao a tricycle ket ni Jespher de Castro y Manzanillo, agtawen ti 24, awanan ti asawa ken residente iti Barangay Rieong ditoy ciudad ti Laoag idinto a ti driver ti kotse ket ni Eldred Jethro Pablo y Gerardo, agtawen ti 23, awanan ti asawa ken residente iti Barangay 56-B, Bacsil South ditoy ciudad.
Basar iti imbestigasyon ti PNP-Traffic Division, bayat nga agpaabagatan a direksyon ni De Castro iti Panganiban St. iti paset ti Brgy. 7-B ditoy ciudad ket aksidente a nakadinnugnpar na ni Pablo.
Gapo iti daytoy, nagsagaba ti sugat dagiti biktima iti nagduduma a paset ti bagi da ken naitaray iti ospital ngem naideklara nga out patients.
Manamnama met ti panagsarita dagiti dua a kampo seknan iti nasao a desgrasya.
