LAOAG CITY – Maisagsaganan ti maipila a kaso a panaglabsing iti Presidential Decree (PD) 1602 wenno illegal a panagsusugal kontra kadagiti uppat a babbai, pakairamanan ditoy iti dua a senior citizen iti Barangay 7-A ditoy ciudad ti Laoag.
Nabigbig dagitoy a da Delma Aquino, agtawen iti 62; Adeline Valderama, agtawen iti 36; Jeremie Oania, agtawen iti 38; ken ni Lolita Sagun, agtawen iti 60, agpapada dagitoy a residente ditoy ciudad ti Laoag.
Segun ti PNP-Laoag, nabayagen nga adda ti maidandanun kadakuada a report a masansan nga agsusugal dagiti akusado iti balay ti Pamilya Aquino kangrunaan na ti majong.
Iti inyuswat nga operasyon dagiti otoridad, nakakumpiskar da iti 146 a pedaso a majong, 27 plastic chips, 920 a pisos, mono block chair ken dadduma pay.
