LAOAG CITY – Kinumpirmaran ni PMaj. Joseph Baltazar, ti hepe ti PNP-San Nicolas a negatibo ti resulta ti swab test dagiti kameng ti nasao nga stasyon ti pulisya.
Kuna na a daytoy ket pakairamanan ti uppat a balod a nakapulapol ti nagpositibo a Person Deprived Of Liberty (PDL) wenno ni IN-C783, maysa a lalaki nga agtawen ti 48, residente iti Brgy. 18 iti ili ti San Nicolas.
Nu pay kasta, inbatad ni Baltazar a nagtalinaed iti quarantine facility dagiti balod ken 16 pulis a primary contact ti nagpositibo para iti pannakakumpleto ti 14-days quarantine dagitoy.
Kabayatanna, inpakaammo na nga intuno bigat ket agsublin ti operasyon ti stasyon ti PNP-San Nicolas.
Maipalagip a naipan iti lockdown ti stasyon ti PNP-San Nicolas ken bayat a nakaquarantine dagiti pulis ket dagiti pay laeng kameng ti INNPO ti nagserbi kadagiti umili.
